Naggueqatigiit Inuit indianerillu anersaakkut naapeqatigiipput

Aaqqissuussineq taaguuteqartinneqarpoq "Sacret Fire", danskisut "Den Hellige Ild", "Innermik Illernartumik" kalaallisut immaqa nutsersinnaasarput,

- aallarniisullu nassuiarpaat, qangarsuaq profitimit oqariartuut, "Nunarsuarmi qaqugu pisariaqartinneqarnerpaalerpat, inuiannut nunarsuup qaarpiaaniittumut inneq illernartoq takkukkumaarpoq" naapeqatigiinnissap taama atserneqarneranut pissutaasoq.

Aaqqissuisut oqarnerat naapertorlugu. anersaakkut siulersortinik taaneqartartut maanna Kangerlussuarmiipput, taakkulu Kangerlussuup kangisissuani kilometerinik 15-inik ungasitsigisumi, sermersuup qanittuani, tupeqarfissualiorsimapput.

Aaqqissuisunut ilaavoq kalaaleqaterput, Angaangaq, anersaarlu aqqutigalugu ulluni pingasuni naapeqatigiinnissarsuaq takussutissatut iliuusaanerarpaa, nunarsuarmioqatigiillu silap kissatsikkiartornera pillugu erseqqissaavigineqassapput.