Naggueqatigiit inuit Canadami issisiungaatsiartut
Canada tamakkingajallugu issittorsuuvoq. Silasiortut kingullermik ikinnerpaamik ukiut 50-it matuma siorna aatsaalluunniit taama issitsiginerarpaat.
Issittorsuuvormi.
Canadami illoqarfiit pingaarnersaat, Ottowa nunarsuarmi illoqarfiit pingaarnersaanni maanna issinnerpaavoq, tassa Mongoliemi Kazakstanimilu illoqarfiit pingaarnersaannit issinnerulluni.
Montrealimi, Ottawami, Torontomilu issinnera Marsimit Antarktikamiillu issinneruvoq. 45-t tikillugit issippoq, illoqarfinnilu Winnipegimi Saskatoonimilu ulluni tulliuttuni 50-it tikillugit ississangatinneqarpoq
Montrealimi issinnera angerlarsimaffeqanngitsunut eqquineruvoq. Naggueqatigiit inuit 300-ut 40-illu akornanniittut angerlarsimaffeqaratik ulluinnarni aqqusinermiittartut naatsorsuutigineqarpoq.
Naggueqatigiillu inuit angerlarsimaffeqanngitsut allallu isersimaarfigisinnaasaat naammanngillat. Minutsillu 20-nnannguit silamiitsiarneq qeruttoornermik ajornerusumilluunniit kinguneqarsinnaavoq.
Montrealimi politiit maanna ikiueqqaarnermik aallartitsipput, tassani naggueqatigiit inuit allallu angerlarsimaffeqanngitsut sumiiffigisartagaannut siniffigisartagaannullu orniguttaqattaarput. Angerlarsimaffeqanngitsullu kialaarfigisinnaasaannukaanneqarlutik.
Ukiumi nutaami sapaatip akunnerata siulliup tungaanut taama issitsiginissaa ilimagineqarpoq.