Straffeqattaareernermi Nagdlúnguak pissartanngortoq
Nagdlúnguak Ilulissaneersoq silami arsaannermi pissartaaqqilerpoq.
1. Nagdlúnguak
2. B-67
3. IT-79
4. G-44
5. SAK
6. UB-83
7. T-41
Ilungersorujussuaqqaarlutilli pissartaaneq anguaat.
B-67 siuaqqaarpoq piffissaliunneqartorlu naammassilluinnalersoq aatsaat naligiilerlutik.
AAMMA ATUARUK Arsaannermi GM: Semifinale pissanganaqisumik naammassisoq
Tamanna sioqqullugu B-67-ip avalassimasui quliinnanngorput John Ludvig Broberg toqqaannartumik anisitaammat siuaqqanerli B-67-ip illersorsinnaarpasileraluarlugu.
Kunuuteeraq Isaksen Nagdlúnguak angummatsillugu isertitsimmat unammineq sivitsorneqarpoq.
B-67-li anisitaasortaqaqqikkpoq Aiko Nielsen aappassaa mianersoqqussummik nittaavigineqarluni anisitaammat.
Niklas Thorleifsen B-67 2-1-mik siuartillugu toqqaannartumik frisparkimi isertitsivoq iligiillu sakkortuumik eqqugaaqqasut unamminerup sivitsorneqarrnerani ajugaangajalluinnarput.
Unamminerup sivitsorneqarnerata naammassinissaanut sekundit 30-iinnanngortut Rene Eriksen Petersen naligiilersitsimmat straffeqattaartussanngorput.
Tassani Nagdlúnguak ingerlalluarneruvoq 2019-mitullu pissartanngoqqillutik.
Bronzennanniunnermi IT-79 Nuummeersoq G-44-mut Qeqertarsuarmeersumut ajugaavoq normu 5-nngorniunnermilu SAK Sisimiuneersoq UB-83-mut Upernavimmeersumut ajugaalluni.
K-33 Qaqortumeersoq normu 7-nngorpoq inissinniunnermi T-41 ajugaaffigalugu.
