Arsaannermi GM: Semifinale pissanganaqisumik naammassisoq
Angutit inersimasut arsaannermi pissartanngorniunneranni finalemi unammisussat tassaalerput kingullermik pissartaasut Nagdlúnguak aamma B-67 Nuummeersoq, bronzennanniunnermi G-44 Qeqertarsuarmeersoq aamma IT-79 Nuummeersoq unammisussanngortut.
Nal. 10.30 K-33 - T-41 (Normu 7-nngorniunneq)
Nal. 13.00 SAK - UB-83 (Normu 5-nngorniunneq)
Nal. 15.30 G-44 - IT-79 (Bronzennanniunneq)
Nal. 19.00 Nagdlúnguak - B-67 (Finale)
Nagdlúnguup aamma IT-79-ip akornanni semifinale pissanganaqisumik ingerlavoq. Piffissaliunneqartoq naammassimmat tamarmik ataaseraarlutik naligiipput.
Piffissaliunneqartoq naammassiartortoq Jørgen Kreutzmann IT-79-meersoq torrallaqalugu frisparkimi toqqaannaq isimmillugu isertitsivoq.
AAMMA ATUARUK Uku iligiit arsaannermi GM-mi semifinalessapput
Nagdlúnguak naligiilersitsilluni strafferpoq arsarluaqisup Malik Mikaelsenip arsaq asseraluaraa utersaartoq Kunuuteeraq Isaksenip isertimmagu.
Rene Eriksen Petersen unamminerup sivitsorneqarnerani Nagdlúnguarmiuni ajugaatitsisuuvoq 2-1-mut isertitsigami.
B-67 qularnaatsumik ajugaavoq
Semifinalep aappaani B-67 Nuummeersoq G-44-mut Qeqertarsuarmeersumut 6-0-mik ajugaavoq unammineq aallartiinnavissoq B-67 unamminermi aqutsisuulermat.
Inissinniunnissanut piareersarluni SAKp Sisimiuneersup aamma T-41-p Aasianneersup unammineranni piffissaliunneqartoq naammassimmat aamma naligiiginnartoqarpoq. Straffeqattaartoqarnerani SAKp måliniittua Kent Olsen pingasoriarluni assiimmat iligiit taakku normu 5-nngorniunnermi UB-83-mut Upernavimmeersumut unammisussanngorput, T-41 normu 7-nngorniunnermi K-33-mut Qaqortumeersumut unammisussanngortoq.
Bronzennanniunneq aamma finale toqqaannartumik KNR-TV-mi aallakaatinneqassapput.