Nagdlúnguak ammaanermi ajugaavoq

Nagdlúnguup SAK-mut unamminermi siuaqqalluarnerni annaangajappaa angutit ammaanermi unammineranni. Taamaattoq pissartanngorniunnernik aaqqissuisut 26-24-mik ajugaapput.

Arnat ammaallutik unamminerat Iluliarmiut unammineraat Nagdlúnguak aamma I-69 unammimmata. Unamminerup sivisunersaa I-69 siuaqqareerluni unammineq naammassilersoq angutippoq tassanilu Nagdlúnguak 24-22-mik ajugaavoq.

Ataasinngornermi unamminerit kingulliit marluk pissangananngillat. Siullermik NÛKp angutitai Norsaq HC-mut Aasianneersumut 32-24-mik ajugaavoq. SAK-llu arnartai NÛK ajugaapput 28-16-mik taama ajugaatiginissaat ilimagineqarsimanngikkaluartoq.

NÛKp arnartai unamminermi tassani iluatsitsinngivipput illuanik siorna sølvinnattut Sisimiormiut suna tamaat iluatseqattaaraat.

K-33-p Qaqortumeersup aamma GSS-ip Nuummeersup angutitaasa unamminissaat arfininngornermut kinguartinneqarpoq K-33-meersut arlallit suli Ilulissanut tikissimanngimmata.

Aajuku ataasinngornermi angusat:
SAK - Nagdlúnguak angutit 24-26
Nagdlúnguak - I-69 arnat 24-22
NÛK - Norsaq angutit 32-24
SAK - NÛK arnat 28-16

Aajuku marlunngornermi unamminissat:
Nal. 13.00 SAK - GSS angutit
Nal. 14.45 I-69 - SAK arnat
Nal. 17.30 K-33 - Norsaq HC angutit (KNR 1-mi toqqaannartumik aallakaatissaaq)
Nal. 19.15 Nagdlúnguak - GSS arnat (KNR 2-mi toqqaannartumik aallakaatissaaq)
Nal. 21.00 Nagdlúnguak - NÛK angutit (KNR 2-mi toqqaannartumik aallakaatissaq)