Naatitartorluartaruit kræfti pinaveersimatissinnaavat

Naatitat peqqinnartuusut naluneqanngilaq. Paasisallumi nutaat takutippaat pujortartartut broccolinik qungorlinillu, qallunaatut kålinik, nerisaqarluartartut kræfteqaliannginnerusartut. Associated Press taama allaaserisaqarpoq.

novembarip 19-at 2008 13:01

New Yorkimi Rosswell Park Cancer Institute-mi misissuinermi akisussaasoq, Li Tang, oqarpoq, inuit pujortartorujussuit broccolit qungorliillu iluaqutiginerpaasaraat.

Ilisimatuussutsikkut misissuisut kræftimik nappaatillit 948-t nappaateqanngitsullu 1.743-t inooriaasaannut, nerisarisartagaannut pujortartarnerinullu tunngasunik apeqqutinik imalinnik immersugassissimavaat. Taamaalillutillu paasisimavaat broccolinik, qungorlinik, blomkålinik rosenkålinillu nerisaqakkajuttut tamakkutortanngitsunut, qaqutigulluunnit tamakkunannga naatitartortartunut, sanilliullutik 20 procentimiit 55 procenti tikillugu kræfteqaliannginnerusartut, Li Tang, Amerikami kræfti pillugu ilisimatusarneq pillugu peqatigiiffimmi ataatsimiinnermi oqarpoq.

Li Tangili aamma oqarpoq ukiorpassuit annertuumik pujortarujussuartarsimasut ikiorfissaqangitsut.

Naatitartorluartaruit kræfti pinaveersimatissinnaavat

Aamma atuaruk