Naatitanit ikummatissiat nerisassanut akitsorsaataapput

Naatitat ikummatissatut atornissaannik aallussinerujussuaq, soorlu qajuusiassaasanik tassa majsinik, ivissuarnik sukkoqutilinnik naatitanillu allanik ikummateqarnerup kinguneranik nerisassat 75 procentimik akisunerulerput.
Allattoq Elisa Isaksen
juulip 04-at 2008 08:06

Tuluit Nunaanni aviisimi ullormut saqqummersartumi The Guardianimi ullumikkut taama allaaserinnittoqarpoq, aningaaserivissuup Verdensbankenip nalunaarusiaa avammut saqqummiunneqanngitsoq innersuussutigalugu.

Naatitanik ikummateqarnermik illersuisut oqaatigaat, tamanna uuliamik ikummateqarnermit mingutsitsinnginnerusoq, CO2-mik aniatitsinermik minnerulersitsisinnaasoq nunarsuullu kiatsikkiartorneranik killilersimaarinnittuusoq.

Aningaaserivissuup Verdensbankip nalunaarusiaa apriilimili naammassineqarpoq, aviisimili The Guardianimi oqaatigineqarpoq, USA ajornartoortikkumanagu nalunaarusiaq avammut saqqummiunneqanngitsoq.

Tassami USA isumaqarpoq, naatitanit ikummatissiorneq nerisassat 3 procentiinnarmik akisunerulernerannik kinguneqartoq. USA-p præsidentia George W. Bush oqarpoq, nerisassat akisunerulernerannut Indiap Kinallu nerisassanik pisinerusalernerat patsisaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq