Arnat sapaatip akunneranut immiaaqqanik tallimat missaannik imersimagaangamik ernertaavi inersimasunngorunik peersaat ajoquteqalersinnaasoq misissuinerup takutippaa.
- Anaanaasoq imigassartornerusumaguni ernerisa peersaat ajornerulersarput.
Ilisimatusartoq Cicilie Ramlau-Hansen ArbejdsMedicinsk Klinik-imi Århus Universitets Hospitalimeersoq taama oqaluttuarpoq.
1984-imiit 1987-imut naartusorpassuit inooriaasaat imigassamillu atuisarnerat pillugit misissuisoqarpoq, arnallu taakku ernerisa 347-t peersaat maanna misissorneqareersullu inernerat erseqqippoq:
- Arnat naartunerminni sapaatip akunneranut sisamat sinnerlugit immiaaqqanik imertartut ernerisa peersaat imerneq ajortuniik pingasorarterummik ajornerusarput.
Misissuineq nunarsuarmi siullersaavoq inernerilu Rom-imi ullumi saqqummiunneqarput.
- Misissuinerit tutsuviginartuusut isumaqarpugut, kisianni misissuinernik allanik aamma uppernarsarluarneqartariaqarput, DR taama allaaserinnippoq.