Naartunaveersaartitsineq inerteqqutaalersinniarpaa
Naartunaveersaartitsinermut suliniutit unitsinneqarnissaat illoqarfimmi aqutsisunut siulittaasup taamaattumik maanna eqqarsaatigaa, taamaaliornikkut illoqarfimmi innuttaasut amerlinissaat neriuutigigamiuk.
Ukioq atuarfiusoq ukiamut aallartippat perngaammik atualeqqaartoqassanngilaq, tassami atualeqqaartussanik meeraqanngimmat.
Naartunaveersaartitsinermut suliniutit inerteqqutaalersinneqarnissaat eqqarsaatigalugu, illoqarfimmut aqutsisunut siulittaasoq Gudmundur Ingi Ingason islandimiut tv-qarfiannut Ruv.is-imut oqarpoq.
Aamma ´sapaatip akunnera asanniffik´ atulersinniarlugu eqqarsaatigaa, taamaaliornikkut kommunimi innuttaasut amerlinissaat neriuutigigamiuk.
Illoqarfimmi tassani meeqqat atuarfianni atuartut ukiuni kingullerni ikilerujussuarsimapput, maannakkut 37-innaallutik.
Taamaattumik inuit illoqarfimmut nuunnissaat illoqarfimmut aqutsisunut siulittaasup kaammattuutigaa, tassami oqarneratut:
- Inissaqarluarpoq atuarfimmullu utaqqisoqarani.
