Naartuersinnermi akiliisarnissaq Naalakkersuisut itigartippaat
Naartuersinnermi akiliisalernissaq atuuttuulersinneqassasoq, Siumumeersup Malik Berthelsenip siunersuutigaa, siunnersuutaalu ullumi Inatsisartuni siullermeerneqassaaq.
Akiliisitsisalernikkut naartunerit kissaatiginngisat ikilissagaluartut, Malik Berthelsenip siunnersuummini tunngavilersuutigaa.
Peqqissutsimut Naalakkersuisoq, Agathe Fontain akissummini allappoq, naartuersinniarlutik napparsimmaviliartartut akissaqarnertik naapertorlugu taamaaliortassasut, tamannalu naligiissitsinnginneruvoq, akissummini aamma allappoq.
Naartuersittartut amerlanerpaat, kisermaajusut, suliffeqanngitsut ilinniagaqartuusulluunniit akissummi atuarneqarsinnaavoq.
Arnat aamma aapparminnit ajornartorsiornerat, aningaasaqarnerat aamma inissaqarnerat ajornartorsiutaasartoq, Naalakkersuisoq isumaqarpoq.
Naartuersinneq akeqalissagaluarpat inuiaqatigiinni akissakinnerit akissaqarnerillu akornanni naartuersittarneq ersarississasoq, Agathe Fontainip aamma ernummatigaa.
