Naammassigunik nunatsinnukaqquaat
Suliffeqarfiit nunatsinneersut 20-t Københavnimi saqqummersitsinersuarmut peqataapput.
Danmarkimi nangitsillutik ilinniartut nunatsinneersut 70-it saqqummersitsinersuarmut qaaqqusaasimapput.
Suliffeqarfiit saqqummersitsinermut peqataanerminni periarfissat suunersut takutinniarsaraat, ilinniartullu taakku 70-it ilinniakkaminnik naammassinnikkunik nunatsinnukarlutik sulilersinnaanissaat neriuutigineqarluni.
Suliffeqarfiit saqqummersitsisarnerat ukiut pingajussaa pivoq, ukioq mannalu nunatsinniit Nuuk, Sisimiut Qaqortullu kommuniisa peqataatitaqarput.
Namminersornerullutik Oqartussat peqataatitaqarputtaaq, akileraartarnermut pisortaqarfik, Ilaqutariinnut pisortaqarfik kiisalu suliffissuaqarnermut pisortaqarfik peqataatitaqaramik.
Kalaallit Københavnimi Odensemilu ilinniartut nunatsinni suliffissarsiornissaannut ippassaq soqutiginnilersinniarneqarput, ullumikkullu kalaallit Jyllandimi ilinniartut ilinniakkaminnik naammassinnikkunik nunatsinnukartinniarneqassallutik.
