Naamaarneq: - Soorlu qarasaq qaartartumik igitsiffigalugu

Nittartakkami børnogstoffer.dk-mi atuarneqarsinnaavoq naammaarnerup timimut kingunerisinnaasai.

Tassani pineqarput qaratsakkut ajoqusernerit, eqqaamasinnaassutsip ajorseriarnera, tiguartisimaarluni suliamik sivisunerusumik aallussisinnaajunnarneq, kiisalu tinguit, tartut patillu ajoqusernerit.

Tarnip nakorsaa Ernst Peilmann naamaarnerup kingunerisaannik qaratsakkut ajoqusernerit pillugit paasiniaaffigaarput.

”Qaratsatta timitta atortorissaarutai tamaasa aquppai.

Naamaarutaasartut assigiinngitsut orsunut arrortitsissutinik akoqarput, qarasarlu orsuugami naamaarnikkut arrortinneqalersarpoq.

Naamaagarlu puatsigut aammut anngukkaangat aap qaratsatta iluani arrortitsissut angallatilersarpaa, uani qaartartoq assersuutissaqqippoq, tassami qaratsatta iluanut qaartartoq miloriukkaanni timit sianiutai sorliit eqqorneqassanersut siumut oqaatigineqarsinnaangilaq.

Pillorissuseq, timitta atortui, eqqarsartaaserluunniit annerusumik minnerusumilluunniit eqqorneqassanersut.

Qaratsakkut ajoqusernerup annertussusaa apeqqutaalluni innarluuteqartoqalersinnaavoq.”, Ernst Peilmann, Kommuni Kujallermi tarnip nakorsaa, oqarpoq.