Polenimiu arnaq nukappiararujussuarmik ernisimavoq, aatsaallugooq taamak meeqqamik angitigisumik nunarsuarmi inunngortoqarunarpoq.
Naalungiarsorujussuaq Kasperimik atserneqartoq 7,1 kilomik oqimaassuseqarsimavoq angisoorujussuusimavorlu, tassami 66 centimeteriusimagami.
Arnaq ernisoq 45-nik ukioqarsimavoq meerassaalu angivallaaqimmat nakorsat pilallugu ernisissimagaat oqaluttuarineqarpoq.