Naalakkersuisut Torontomi saqqummersitsinermut peqataasoqarput

Nunatsinni naalakkersuisuni siullersaalluni Jørgen Wæver Johansen aatsitassat pillugit nunat tamalaat Torontomi saqqummersitsinersuannut peqataavoq. Suliffeqarfeqarfissuarnut arlalinnut nunatsinni aatsitassanut soqutiginnittunut Jørgen Wæver Johansen ippassaq unnukkut qaaqqusivoq. Torontomi saqqummersitsinersuarmut naalakkersuisunit peqataasoqarnera Jørgen Wæver Johansenip pingaartippaa:

- Peqataassalluta pingaartipparput, nunatsinni aatsitassarsiornerup qanoq pingaartinneqartiginera takutinniarlugu. Aatsitassarsiornerup ineriartorneranut pingaartitsinerput pimoorukkipput takutinniarlugu peqataavugut.

Jørgen Wæver Johansen isumaqarpoq aatsitassarsiorneq namminersulernissamut pingaaruteqartoq.

- Aatsitassarsiornermi pitsaasumik ineriartorneq pissappat, avataani suliffeqarfinnut aningaasaliisinnaasunut torersumik nittarsaassinissaq pingaartipparput. Taamaliornikkut nunatsinni amerlanerusut inerisaanermut peqataanissaanut kajumissuseqalissapput, aningaasaleeqataanerallu iluaqutigalugu suliffiit amerlanerusut pilersinneqassapput nunalu aningaasarsiornikkut imminut nammassinnaanerusoq pilersinneqassaaq. Taamalilluni nunatta namminersulernissamut ikaarsaariarnissaa periarfissarissaarnerulissaaq.

Torontomi aatsitassat pillugit saqqummersitsineq ullumi ulloqeqqanut naggaserneqarpoq.