Naalakkersuisut Sigguk A/S pillugu nassuiaaqqunerarput

Naalakkersuisut nassuiaaqquneqarput malitarisassat nutaat suut tunngaviusut Aasiannut tulaassuinissamut piumasaqaat atuukkunnaarsinneqarmat.

Sigguk A/S-imik qaleralittassiinerup ersersippaa nunatsinni tunngaviusumik aalisarnerup tungaatigut naalakkersuinikkut isummertarneq nutaaq atuutilersimasoq, naqinnerit akornanni atuaraanni Inuit Ataqatigiit sinnerlugit inatsisartunut ilaasortaq, Johan Lund Olsen naalakkersuisunut §36 tunngavigalugu apeqquteqaateqarpoq, apeqqutigalugu Sigguk A/S piumasaqaatinik naammassinnissimanersoq.

Apriilip 18-ani ullulerneqartumik Siunnersuisut Consulting ApS-imut akuersissummik tunniussinermi qulingiluanik immikkoortortalimmi pisassiinermut tunngavigitinneqartut arfineq aappaanni allaqqavoq pisassiissutigineqartut tamarmik nunami fabrikkimut tunineqassasut. Kiisalu piumasaqatit arfineq pingajuanni qalerallit tamarmik fabrikkini kalaallit nunaanniittuni tisaneqassasut. Akuersissut naggaserneqarpoq piumasaqaatit naammassineqarsinnangippata akuersissut utertinneqassasoq. Tamassuma kingorna naalakkersuisut siulittaasuata aalajangerpaa piumasaqaataasut qulaatiinnarlugit akuersissut pigiinnarneqassasoq. Aaljangerneq julip pingajuani pivoq.