Naalakkersuisut qularnaveeqqusiiumanngillat

KNI a/s–ip amigartoorutai 75 millioni koruuniusut aningaaserivinnullu akiitsorineqartut aningaaserivinnut utertinneqarnissaannut naalakkersuisut qulakeerinninniarnatik ullumi ataatsimiinerminni aalajangerpaat. Hans Enoksen tamanna pillugu ima oqarpoq:

-Akiitsunik uagut akiliussissanngilagut naatsorsuutiginngilarput akiliinissarput kisiannili aningaasaqassutsip pitsaasumik aallarnissaanut uagut suleqataarusuppugut. Hans Enoksen oqarpoq.

Suliffeqarfiit KNI-p ataaniittut Assartuivik aammalu Arctic Green Food KNI-p 75 millioni koruuninik amigaartoorneranut pissutaapput taakkulu aappaagu KNI-imit avissaartinniarneqarput, Hans Enoksen-ilu oqarpoq aningaaseriviit tamanna pillugu ernumasariaqanngitsut

Aningaaseriviit nalunaarfigineqarsimapput Assartuivik Arctic Green Food-ilu allanngortinniarneqartut KNI-ilu aningaasatigut ingerlalluarmat ernumasoqartariaqanngitsoq, Hans Enoksen oqarpoq.

Naatsorsuutigineqanngilaq naalakkersuisut qulakkeerinnittuujumannginnerat aningaaserivinnit KNI-ip ingerlaqqinnisaanut itigartitsinavianngitsut, naalakkersuisulli pisunik malinnaalluaqqissaartut.

Hans Enoksen aamma oqarpoq, KNI-p aningaaserivittut Arctic Green Food-imit Assartuivimmillu atorneqarnera allangortinniarneqartoq, Hans Enoksen-illu naatsorsuutigaa aningaaseriviit pilersaarut pillugu tusaatissatut tigusimassagaat..

KNI-p ataaniittut suliffeqarfiit Assartuivik Arctic Green Food-ilu ukiup 2007-ingerlanerani KNI-imit avissaartinneqartussaasut Hans Enoksen-ip oqaatigaa.