Naalakkersuisut politiinut tunniunneqarsinnaanersut misissortinniarneqalerpoq

Naalakkersuisut politiinut tunniunneqassanersut, demokraatit maannakkut misissortileruttorpaat, aningaasaliissutinik unioqqutitsilluni tunniussisarsimaneq pasilliutigineqarmat.

- Naalakkersuisut politiinut tunniunneqarnissaat ilimanarsinnaavoq. Naalakkersuisut siulittaasuat iluatsinngitsumik uppiseriaraluareerlugu, Demokraatit politikkikkut oqaaseqartartuat Palle Christiansen taama oqarpoq.

Naalakkersuisuni ilaasortaq Sivert K Heilmann Naalakkersuisullu siulittaasuat Hans Enoksen AEB-mik inatsisit atuuttut unioqqutissimagaat Demoktatit isumaqarput.

Aamma tillidsmand-it pikkorissartinneqarnissaanut aningaasaliissutinik, SIK-p pisassarinngisaanik 3,2 million koruuninik tuninineqarsimaneri demokrtatit taakkartorpaat. Kukkunerit assigiinngitsut naalakkersuisunit ilisimaneqarsimagaluartut, iliuuseqarfigineqarsimanngitsut, demokraatit isumaqarput.

- Inatsisileritooq Gert Drews-Jensen naliliisissavarput, naliliinerlu utaqqeqqaarlugu politiinut tunniussissanerluta paasissavarput, Palle Christiansen oqarpoq.

Demokraatit aalajangernissaat ungasinngitsukkut pissasoq, ilimagineqarpoq.