Naalakkersuisut naalakkisartitseriaraluarnerat unitsinneqarpoq

Aningaasaqarnermut naalakkersuisoqarfiup tusarniaanermut atatillugu isornartorsiuisumik akissuteqaataa naalakkersuisut saqqummiussaanni piaaraluni mininneqarsimanera, kukkunersiuisarfiup Deloitte & Touchep uparuarpaa. Tamanna pissutigalugu Kultureqarnermut Ilinniartitaanermullu naalakkersuisup Tommy Marøp tunuarniuteqartariaqarnissaa Demokraatit piumasariniarpaat. Demokraatit siulittaasuata Jens B. Frederiksenip ullumi tamanna qalleqqissarpaa:

- Demokraatiniit minnerpaamilluunniit nalornissutiginngilarput Naalakkersuisut inatsisinik unioqqutitsisimasut, paasisutissat aningaasaqarnermut ataatsimiititaliamut ingerlateqqissimanngimmagit. Kisianni pingaartorujussuuvoq paasiniassallugu suliassaq ingerlalerpat illuatungiliuttut tamarmiusut suleqatigiillutik iliuuseqarsinnaassanersut, paasissutissat taakku pisariaqarpavut. Kisianni qanorluunniit arlaatigut pisoqartussaavoq, suliassaq uninngiivippoq, Jens B. Frederiksen oqarpoq.

- Deloitte & Touchep suliaa suli naammassineqanngilaq aamma ingerlaannaq naammassinavianngilaq, imaassinnaavoq tatiginninnginnermut siunnersuummik saqqumiigutta naalakkersuisut uppititaasut, tamanna pissusissamisooraluarpoq, Demokraatit siulittaasuat Jens B. Frederiksen taama oqarpoq.