Naalakkersuisut katillugit 7247 meterinik mittarfiliorusupput
Mittarfiit siulliullugit tallineqartussat tassaapput Ilulissani Nuummilu mittarfiit, Ilulissani mittarfik 2200 meterimut taalineqartussaq Nuummi mittarfik 1799 meterimut tallineqassaaq.
Attaveqarnermut naalakkersuisup, Knud Kristiansenip oqaatigaa, mittarfiit tallimat, ilaat maannamut piureersut ilaat nutaamik sanaartorneqartussat pilersaarutaasut.
Nuummi Ilulissanilu mittarfiit tallineqarnerisa saniatigut Qaqortumi, Tasiilami Ittoqqortoormiinilu mittarfiiortoqassaaq.
Taamalu pilersaaruteqarneq aningaasanik 2 milliarder koruunit missaannik akeqassasoq, Knud Kristiansenip oqaatigaa, taamali akisutiginissaat mianersortumik missigiunneqarsimasoq aamma oqaatigalugu
Aamma atuaruk 725 millionit ukiualunni mittarfeqarnissaq qulakkiissavaat
Mittarfiit tallimat pilersaarutigineqarnerisa saniatigut, mittarfiit allat ullumikkut pioreersut annikinnerusumik atorneqalersinnaaneri siunertaasoq, naalakkersuisoq aamma oqarpoq. Ilaatigut mittarfiit timmisartumik Twin Otterimit taamaallaat miffigineqarsinnaalissallutik. Twin Otterit 19-inik ilaasoqarsinnaapput.
Taama pilersaaruteqarneq sanaartornermut ataatsimiititaliamik inassutigineqarsimasoq, Knud Kristiansenip naqissuserpaa oqarlunili taakku inassutaat naalakkersuisunit isumaqatigineqartut.
