Naalakkersuisut: Kaabeli atorlugu illoqarfiit kallerup inneranik pilersorneqarsinnaapput

Inuussutissarsiornermut naalakkersuisup, Siverth K. Heilmannip naalakkersuisut sinnerlugit Nukissiorfiit aningaasartuutit naapertorlugit ingerlanneqarunnaarluni piginneqatigiiffinngornissaa siunnersuutigissamaarpaat. Siverth K. Heilmannip 2007-imi nalunaarusiami erseqqissarpaa erngup nukinganik nukissiorsinnaanerit atorluarneruneqarsinnaagaluartut, soorlu immap naqqatigut kaabelikkoorlugu illoqarfiit kallerup inneranik pilersorneqarsinnaanerat eqqarsaatigalugu. Sinerissami kommunit januaarip aallaqqaataani kattussuunneqareerpata, piginneqatigiilluni nukissiorfiup kommunerujussuit arlallit pilersulerunigit, siornatigut kallerup inneranik pilersueriaasissatut innersuutigineqartut tulluarunnaassapput. Immap naqqatigut kaabelikkut kallerup innerata siaruaassinnaanera atorluassaganni sakkortuunik nukissiorsinnaasunik erngup nukinga atorlugu nukissiorfiliortoqartariaqarpoq, tamannalu annertuumik ileqqaarinikkut aatsaat pisinnaassaaq.