Naalakkersuisut iliuuserisaat Asiip tupigusuutigaa
-Aasaq manna Kommuneqarfik Sermersooq Inuussutissarsiornermut Aatsitassarsiornermullu Naalakkersuisoqarfimmik saaffiginnissummik tigusaqarpoq, aatsitassarsiornermi suliniutinik siuarsaanermut atatillugu innuttaasunik peqataatitsinerunissamik pisortaniillu tusarniuteqartarneq pillugit oqaloqatigiinnissamut aggersaanerusoq. Ammasuunissaq innuttaasunillu peqataatitsinerunissaq Kommuneqarfik Sermersuumit pingaartinneqarpoq, taamaattumillu suleqatigiinnerunissamik saaffiginnissut ilassilluarlugu, Asii Chemnitz Narup oqaluttuarpoq.
Kommuni Naalakkersuisunit suli suleqatiserineqarsimanngilaq. Paarlattuanilli Namminersorlutik Oqartussat True North Gemsip Qeqertarsuatsiaat eqqaani rubinisiornissamik suliniutaanut atatillugu tusarniaanissaq tunulliutsitsisimallutik.
-Paasisakka malillugit Namminersorlutik Oqartussat pitsaanerusumik innuttaasunik peqataatitsinerunissaanik tusarniaatitsinissaanillu suliniuteqarusuttorpassuit Namminersorlutik Oqartussanit suli maannamut atorluarneqanngitsut. Neriuutigaara kaammattuutigerusullugulu Naalakkersuisut Namminersorlutillu Oqartussat suliniutissatut nalunaarutitik siumut isigalutik malikkumaaraat, borgmester Asii Chemnitz Narup oqarpoq.
