Naalakkersuisut eqqagassalerinermi ikiuunniartut
Ikiuilaaginnarnerunngilarlu. Naalakkersuisut tusagassiutinut nalunaarutaat naapertorlugu kommunit tamarmik immikkut avatangiisit pillugit suliaqartussanik atorfeqalersitsinissaanut periarfissillugit aningaasat 15.5 millionit koruunit immikkoortippaat.
Nutaamik suleqateqalernissamik periarfissap saniatigut kommunit illoqarfinni nunaqarfinnilu eqqagassalerinissami nutaanik periuseqarnissaannut aningaasat tapersiissutitut aamma atorneqassapput.
Naalakkersuisut naapertorlugit eqqagassaarutsitsinissamut ikuallaavik aaqqiissutissatut pitsaanerpaavoq, taamaammat tamatumunnga atorneqassapput.
- Nunaqarfinni illoqarfinnilu minnerusuni amerlasuuni ikuallaaviit atorsinnaanngillat, taamaattumillu eqqakkat eqqaavissuarni katersuupput. Sumiiffinni minnerni eqqakkanik illoqarfinni annerusuni ikuallaavinnut assartuussilluta misilinnialerparput. Qinigassatut allatut aamma nunanut allanut eqqakkanik assartuisoqarsinnaavoq, naalakkersuisoq Suka K. Frederiksen oqarpoq.
