Politikki

Naalakkersuisut aningaasanut inatsimmi sipaarutissanik allanik saqqummiussaqartut

Naalakkersuisut aningaasanut inatsisissatut siunnersuutip pingajussaaneerneqarnissaanut allannguutissatut siunnersuutit 152-it saqqummiuppaat. Aningaasaqarnermut ataatsimiititaliap ilassutitut isumaliuutissiissutaani ippassaq marlunngornermi unnukkut saqqummiunneqartumi tamanna atuarneqarsinnaavoq.

Allattoq Jonas Løvschall-Wedel

novembarip 18-at 2015 04:51

Nutserisoq Simon Uldum -

Ingerlatsinermut tapiissutitullu aningaasaliissutitigut sipaarutissatut siunnersuutit ikinnerpaamik 100-t pineqarput.

Tamatuma saniatigut Naalakkersuisut aaqqissuusseqqinnissanut arlalinnik allannguuteqartitsissamaarput aningaasanik amerlanerusunik isaatitsisussanik. Kiisalu aamma isertitassatut naatsorsuutigineqartut qaffaavigineqarput, minnerunngitsumik raajartassiissutit ilimagisamit amerlanerunerat iluaqutigalugu.

Tamakkulu sunniutissaat malunnaateqassaaq, amigartoorutissammi ikilissapput.

AAMMA ATUARUK Aningaasanut inatsissap naammassineqarnissaa sulissutigineqaleruttorpoq

Allannguutissatut siunnersuutit akuersissutigineqassappata aningaasanut inatsisissaq aappaagu ingerlatsinermut sanaartornermullu tunngatillugu 56,8 millionit koruuninik amigartooruteqarfiussaaq.

Siunnersuutip siullermeerneqarnerani amigartoorutissat 65,1 millionit koruuninut tagginneqarput aappassaaneerneqarneranilu 92,5 millionit koruuniullutik.

Aamma atuaruk Inatsisartut aningaasanut inatsisissaq isumaqatigiissutigingajalerpaat