Naalakkersuisut: "angallanneq pillugu politikkeqarpugut! "

Angallanneq pillugu naalakkersuisut politikkiat amigaateqarnerarlugu demokrat-init isornartorsiorneqanerminni akissuteqarlutik oqarput, akissussaassuseqartumik angallanneq pillugu politikkeqarlutik.

Demokraatit isornartorsiutaat ataasikkaarlugit naalakkersuisut akissuteqarfigaat.

Kangerlussuarmi mittarfimmi ukiormanna iluarsiissutit naalakkersuisut tusagassiuutitigut nalunaaruteqarnerminni saqqummiuppaat, ilaatigut Kangerlussuarmut tikittut iserfigeqqaartagaat pitsanngorsarneqartut, misissuutit ilaneqarput, taamaalilluni nunanut allanut aallartussat sillimaniarnermut tunngatillugu misissorneqartarneri pilertornerusumik eqaannerusumillu ingerlanneqarsinnaanngorlugit.

Qaarsuni Qaanaamilu mittarfiit pillugit naalakkersuisut akissuteqarnerminni saqqummiuppaat Qaanaami Qaarsunilu mittarfiit ataavartumik nalilersorneqartuartut aamma atassuteqaateqarneq tamaat eqqarsaatigalugu sumi inissisimatinneqassanersut. ”Pingaartuuvoq eqqaamassallugu mittarfiup heliportilluunniit ataatsit eqqartornerinnaatigut pissusiviusut eqqortut saqqummersinneqarsinnaanersut uppernarsaatissaqanngimmat” naalakkersuisut tusagassiuutitigut allagaqarnerminni ilaatigut allapput.

Taakkua saniatigut

naalakakersuisut suleqatigiissitaliorsimapput Kujataani kommunit pingasut Namminersornerullutik Oqartussallu peqataaffigisaannik. Suleqatigiissitat nalunaarusiartik innersuussutitalik nunap immikkoortuanut tunngasoq naammassilerpaat ukiamullu inatsisartut ataatsimiinneranni oqallisigineqassalluni.

Angallannermut naalakkersuisup

Kim Kielsen-ip

neriuutigaa angusaqarniarfiusumik siumullu isigisumik Inatsisartut Ukiaanerani Ataatsimiinneranni angallananermut politikkit ilusilersugaaneranut oqallittoqarumaartoq. Takorloorpara oqallinnerup tunngavigiumaaraa ataqatigiissumik aaqqiinissaq, piffinni ataasiakkaani angallannermut politikki tunngaviginagu”, taama tusagassiiuutinut allagaqarpoq angallannermut naalakakersuisunut ilaasortaq Kim Kielsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat