Naalakkersuisut akisussaaffimminnik qimarratiginnipput

Taassuma timmissat pillugit nalunaarutip suliarineqarsimannginnera uparuarpaa.

- Naalakkersuisut siulittaasoqarput akisussaasumik aamma inatsisartut suliakkiutaasa piffissaliussap iluani suliarineqarnissaannik nakkutiginnittussamik. Taamaattumik naalakkersuisut akisussaffitsik tigusariaqarpaat suliakkiutigineqartorlu naammassillungu, Ane hansen oqarpoq.

Naalakkersuisut siulittaasuata Hans Enoksenip suliassani suliarisimanerarpai.

- Naalakkersuisoqarfiit ataasiakkaat suliakkiissutit namminneq ingerlattussaavaat. Uggornartorujussuuvoq suliaq aallaqqaataaniik malinnaaffigisimanngimmassuk, uffa naalakkiutigineqareersoq. Paasigakku suliaq ingerlanerliortoq piaarnerpaamik sukumiisumik suliarineqassasoq naalakkiutiginikuuara. Taama oqarpoq naalakkersuisut siulittaasuat Hans Enoksen.