Naalakkersuisut aalaakkaapput

Qinersisartunik isumasiuineq nutaaq naapertorlugu Siumut siuariassaaq. Naalakkersuisulli uppisinnissaannut tamanna naammanngilaq.
Allattoq Noah Mølgaard
decembarip 17-at 2010 06:03

Ullumikkut qinersisoqartuuppat illuatungiliuttut Siumut inatsisartuni ilaasortaatitaat marlunnik ilassagaluarput. Tamanna erserpoq aviisip Sermitsiap qinersisartunik isumasiuisitsinerani ullumikkut saqqummiunneqartumi.

Siumup siuariarneratigut kinguariartussat tassaanerupput Atassut aamma Kattusseqatigiit partiiat. Naalakkersuisooqataasut Kattusseqatigiit Partiiata inatsisartuni inissatuani annaassagaluarpaa Atassutillu ilaasortaatitamik marluusut aappaa annaassagaluarlugu ullumikkut qinersisoqartuuppat. Tamanna erserpoq misissuinermi HS Analyse-mit ingerlanneqarsimasumi.

Inuit Ataqatigiit piffissami kingullermi pingaartumik aalisartunit isornartorsiorneqaqisut qinersisartui nikippianngillat. Taakku 0,5 procentimik kinguariarput taamalu inatsisartuni ilaasortaatitatik 14-iusut tigummiinnaarlugit.

Demokratit aamma 1 procentimik kinguariarput misissuinerli naapertorlugu inatsisartuni ilaasortaatitatik sisamat tigummiinnarsinnaallugit.

Qinersisartuni isumasiuineq naapertorlugu naalakkersuisut kinguariaateqaraluartut taamaattoq uppisinneqarnissaannut tamanna naammanngilaq.

Isumasiuinermi qinersisartut 718-it apersorneqarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq