Naalakkersuisunut illua'tungiliuttut utoqqatserumanngillat

Australiami naalakkersuisut Australiami nunap inoqqaavi Aboriginalsit pisortatigoortumik utoqqatserfiginiarlugit aalajangeqqammerput. Tamanna Australiami inatsisartut februaarip ulluisa 13-ianni ataatsimiinneranni pisussatut pilersaarutigineqarpoq.
Allattoq Mads Lynge
januaarip 31-at 2008 07:39

Naalakkersuisunut illua’tungiliuttut tamatumunnga akerliupput, siunnersuullu amerlanerussuteqartunit akuersissutigineqarnissaa ilimagineqarsinnaajunnaarpoq.

Qaamasunik amillit nunallu inoqqaavisa akornanni aaqqiaginngissutit qaangerneqassappata Australiami innuttaasut ataatsimoornerulernissaat allaqqunneqarsinnaanngitsoq, Australiami nunap inoqqaavinut ministerip Jenny Macklinip oqaatigaa.

- Nunap inoqqaavisa qaamasunillu amillit ataatsimoorlutik ingerlariaqqissinnaasariaqarput. Taamaalissaguttalu inatsisartuni ilaasortat tamarmiullutik siunnersuummik tapersiisariaqarput, Jenny Macklin oqarpoq.

Inatsisartut ataatsimiinnissaat februaarip 13-iani ammaanersiorneqarpat Australiami ministeriunerup utoqqatsissuteqarluni naalakkersuisut sinnerlugit oqaaseqassamaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq