Naalakkersuisunngortut marluk avammut nalunaarutigineqartut

Jens Immanuelsen (S) aalisarnermut, piniarnermut nunalerinermullu naalakkersuisunngorpoq, Jess Svanelu (S) inuussutissarsiornermut, nukissiuuteqarnermut ilisimatusarnermullu naalakkersuisunngorluni.

Pinngortitamut avatangiisinullu naalakkersuisutut akisussaaffiit naalakkersuisut siulittasuata, Kim Kielsenip tiguai.

Naalakkersuisunut siulittaasoq ilanngullugu ullumikkumit ilaasortat arfineq-pingasuussasut, naalakkersuisut siulittaasuata ilanngullugu oqaatigaa.

Naalakkersuisut siulittaasuata taama inassuteqaateqarnera Inatsisartuni amerlanerussuteqartut akueraat.

AAMMA ATUARUK Kielsen Atassutip tunuarnera pillugu: Allatut ajornaqaaq

Atassummeersup Aqqaluk Jeremiassenip inuussutissarsiornermut nukissiuuteqarnermullu naalakkersuisutut aamma partiimi siulittaasuata Siverth K. Heilmannip pinngortitamut, avatangiisinut ilisimatusarnermullu naalakkersuisutut kiisalu Nikkulaat Jeremiassenip aalisarnermut, piniarnermut nunalerinermullu naalakkersuisutut ippassaq tunuarnerisa kinguneranik taama pisoqarpoq.

Siverth K. Heilmann aamma Aqqaluk Jerimiassen, naalakkersuisuni ippassamit ilaasortaajunaartut, Inatsisartunit sulinngiffeqarnerat ullumimit aamma atuukkunnaarpoq, tassalu atasut sinnerlugu Inatsisartuni maannamut issiagaluartut, Aqqaluk Heilmaan aamma Bentiaraq Ottossen ilaasortaajunnaarput.

AAMMA ATUARUK Atassut naalakkersuisoqatigiinnit tunuarpoq, Jeremiassenilu naalakkersuisutut aamma tunuarluni

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat