Naalakkersuisunngortut inissititerneqarput

Naalakkersuisunut siulittaasunngorlaap Kuupik Kleistip siulittaasuunermi saniatigut Nunanut allanut tunngasunik naalakkersuisunngorpoq..

Ane Hansen, Inuit Ataqatigiinneersoq, Aalisarnermut, Piniarnermut Nunalerinermullu Naalakkersuisunngorpoq.

Palle Christiansen, Demokraatineersoq, Aningaasaqarnermut Nunanullu Avannarlernut tunngassuteqartunut Naalakkersuisunngorpoq.

Ove Karl Berthelsen, Inuit Ataqatigiinneersoq, Inuussutissarsiornermut Aatsitassanut ikummatissanullu Naalakkersuisunngorpoq.

Ineqarnermut, Attaveqarnermut Angallannermullu Naalakkersuisunngortoq tassaavoq Jens B. Frederiksen, Demokraatineersoq, taanna Naalakkersuisut siulittaasuannut tullersortaalissaaq.

Mimi Karlsen, Inuit Ataqatigiinneersoq, Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisunngorpoq.

Peqqinnissamut Naalakkersuisoqarfik Agathe Fontainip, Inuit Ataqatigiinneersup, Naalakkersuisuuffigilerpaa.

Taavalu Maliina Abelsen, Inuit Ataqatigiinneersoq, Ilaqutareeqarnermut Naalakkersuisunngorpoq.

Anthon Frederiksen, Kattusseqatigiit Partiianneersoq, Nunami Namminermi pissutsinut Naalakkersuisunngorpoq.