Naalakkersuisunik isornartorsiuineq isumaqatigaat

Peqatigiiffiup Meeqqat Inuunerissut aamma Red Barnetip Nuummi immikkoortortaqarfiata, Naalakkersuisut meeqqat pillugit Naalagaaffiit Peqatigiinnut nalunaarusiaminni pissutsinik kusassaasimanerannik isornartorsiuinerat, Kalaallit Røde Korsiannit isumaqatigilluinnarneqarpoq.
Allattoq Elisa Isaksen
februaarip 28-at 2009 16:48

Tamatumunnga peqatigitillugu Kalaallit Røde Korsiata erseqqissarpaa, peqatigiiffiit kattuffiillu ataqatigiissaarluakkamik meeqqanik ikiuiniarnermik ingerlatsinerarlugit, taamaalilluni suliniutit pitsaasut siunertanut pitsaasunut atorneqarnerat qulakkeerneqarmat.

Kalaallit Røde Korsiat peqatigiiffiillu assingusut pisortat pisussaaffiinik arsaartuissanngillat, taamaattorli pisortat pisussaaffiginngisaanni meeqqat atugaasa pitsanngortinniarneranni suliniuteqassapput, siulittaasoq oqarpoq.

Soorlu Kalaallit Røde Korsiat ukiuni kingullerni meeqqanut aasaanerani aallarfissaqanngitsunut tammaarsimaartitsinermik ukiuni kingullerni aaqqissuussisarpoq. Taamatut suliniuteqarnertik annertusarniarpaat, soorluttaaq peqatigiiffiup kommunit Ilulissani isumasioqatigiinnerat soqutigalugu malinnaaffiginiaraa, neriuutigalugulu atuarfinni tamani nerisitsisoqartalernissaanik aalajangersaalluni inerniliisoqassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq