Naalakkersuisumut tatigininnginneq

Inatsisartut Aningaasaqarnermut ataatsimiissitaliaat maanna Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoqarfik paasissutissiinerlussimasutut nalilerpaat.
oktobarip 12-at 2008 13:23

Taamalillutillu, annertunerusumik paasisaqarusullutik. Tassani pineqarluni Qasigiannguani efterskolissamut, aningaasanik immikkut tunniussisoqarsimanera.

Sukkasuumik amerlanerussuteqarluarlutik immikkut Siumut Atassutillu, aningaasaliissutigineqartussatut 11.5 milliuuni koruunit akuersaasimavaat.

Inatsisartut Aningaasaqarnermut ataatsimiissitaliaat apeqqutinik 24-inik apeqquteqarsimapput, massakkullu akissuteqaatit tigusimalerlugit. Taamaakkaluartoq iluamik paasissutissiisoqarsimannginnera pissutigalugu suliaq ingerlateqqillugu. Sermitsiaq nittartakkaminni taamak allaaserisaqarpoq.

Inatsisartut Aningaasaqarnermut ataatsimiissitaliaat, kultureqarnermut naalakkersuisoq Tommy Marø tatiginanngitsutut nalilerpaat.

Inatsisartut amerlanerussuteqarnertik pissutigalugu pissaanermik atornerluisimasutut illuatungiliuttunit nalilerneqarpoq. Taamatuttaaq Inatsisartut Aningaasaqarnermut ataatsimiititaliaata siulittaasua Augusta Salling isumaqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq