Naalakkersuisoqatigiit ukiumik ataasinngortorsiorput

"Ulapissimaqaagut" taamatut oqarpoq Kuupik Kleist naalakkersuisoqatigiit ukiumik ataasinngortorsiornerannut atatillugu. Aatsitassat pillugit suliassaqarfiup tiguneqarnera. Akileraartarneq Atugarissaarnerlu pillugit isumalioqatigiissitap pilersinneqarnera. Ilagiit pillugit inatsisip atuutsinneqalernera, tassa tamakkuupput naalakkersuisooqatigiit ukioq ataaseq qaanngiummat nalakkersuisoqatiigiilernerannit maannanut angusat.
Allattoq Jaaku Lyberth
juunip 12-at 2010 16:05

Kuupik Kleist naalakkersuisoqataalu ullumikkut ukioq ataaseq qaanngiuppoq juuip ulluisa aqqaneq aappaanni 2009-mi naalakkersuisutut ivertinneqarmata. Naalakkersuisoqatigiit ukioq ataaseq qaangiummat sulilernerannit inatsisit nutaat 85-it atuutsilersinnneqarput, inatsisit arlalippassuit allanngortinneqarput, isumalioqatigiissitat suleqatigiissitallu amerlasuut sulipput, suliniutillu allat aallartinneqarlutik.

Naalakkersuisoqatigiit suleqatigiinnissamut isumaqatigiissutaat najoqqutatut atuuppoq, taannalu naapertorlugu sulinermi angusat suliniutillu ukiup siulliup ingerlareernerani anguneqarput, Naalakkersuisut siulittaasuata allattoqarfianit tusagassiuutinut nalunaarummi taamatut allassimavoq.

Naalakkersuisoqatigiit ukioq ataasinngortorsiornerat pillugu Naalakkersuisut siulittaasuat Kuupik Kleist ima oqarpoq:

- Assoruussuaq ulapiffiusimavoq, suliassarpassuarnik aallussiffiulluni, Kuupik Kleist oqarpoq.

- Misigisimavunga

ukiup ataatsip ingerlanerani ingerlalluarsimalluta aamma suleqatigiilluarsimalluta, Kuupik Kleist oqarpoq.

Meeqqanut tunngassuteqartut taakkununnga ilanngullugit atornerlunneqarsimasut aaqqiiffiginiarneqarnerat taakkua annertunerpaamik siuariarfiusimasut Kuupik Kleistip aamma oqaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq