Naalakkersuisoqarfik: Taateraat piniagaaffiat suli aallartinngilaq
Taateraat piniagaaffiat aggustip 15-iani aatsaat aallartissasoq Aalisarnermut, Piniarnermut Nunalerinermullu Naalakkersuisoqarfiup eqqaasitsissutigaa.
Allattoq Simon Uldum -
Timmissat pillugit nalunaarut atuuttoq naapertorlugu, taateraat piffissami aggustip 15-ianiit februaarip 28./29-ata tungaanut piniarneqarsinnaapput.
Nalunaarummi atuuttumi aalajangersakkanik unioqqutitsineq akiliisitsinermik pineqaatissiissutaasinnaasoq, Aalisarnermut, Piniarnermut Nunalerinermullu Naalakkersuisoqarfik tusagassiorfinnut nalunaaruteqarluni allappoq.
Paasissutissat sukumiinerusut nittartakkami www.businessingreenland.gl-imi pissarsiarineqarsinnaapput.