Naalakkersuisoqarfiit 14iusut ukiortaamiit arfineq marlunnut ikilisinneqassaput

Namminersornerullutik Oqartussani pisortaqarfiit ullumikkut 14-iusut ukiortaamiit allanngortillugit naalakkersuisoqarfinnut arfineq marlunngortinneqassapput
Allattoq Jaaku Lyberth
novembarip 23-at 2007 16:47

Naalakkersuisoqarfiit inatsisiliornernik, pilersaarusiornernik assigisaannillu oqartussaaffeqassalissapput, immikkoortaqarfiillu arlallit ataatsimut katersorneqassallutik naalakkersuisut allattoqarfiat tusagassiuutinut nalunaarummi allapput.

Naalakkersuisoqarfiit marluk malunaatilimmik allannguuteqassapput. Kim Kielsen , Sila Avatangiisillu pillugit Naalakkersuunngussaaq Ilaqutariinnermut Peqqissutsimullu Naalakkersunngussalluni Aqqalu Abelsen.

- Naalakkersuisoqarfiit aaqqissugaanerannik allannguisariaqarpugut allaffissornikkut pisariillisaanernik sipaarniarnernillu anguniagaqarnitsinnut 18. juni 2007 nalunaaruteqarninnut atatillugu Naalakkersuisut siulitaasuat Hans Enoksen tusagassiuutinut nalunaarummi issuarneqarpoq, nangillunilu Taamaaliornitsigut Namminersornerullutik Oqartussani ingerlatsinerit, kommunit aaqqissuuteqqinneqarnissaannut atatillugu iliuusissanut naleqqussaavigineqassammata, malitsigisaanillu Namminersornerunerup kiisalu imminnut nappatissinnaanerusumik aningaasaqarnerup ingerlanniarnissaanut naleqqussarnerussallutik, allannguinissanik aalajangernerminik Naalakkersuisut siulittaasuat Hans Enoksen tunngavilersorpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq