Naalakkersuisoq ingerlaannassanersoq apeqquserpaa
Allattoq Jokum Nielsen
Nunatta sineriaa tamaat saattuarniarfigalugu ammartariaqarpoq KNAPK-p siulittaasua Peter Olsen oqarpoq. Apeqquserlugu ilumut Finn Karlsen naalakkersuisutut ingerlaannassanersoq. Peter Olsenimi oqarpoq sinerissap qanittuani aalisartut aningaasarsiornikkut inissisimanerat paasisinnaanngikkuniuk apeqquserneqartariaqartoq ilumut Finn Karlsen naalakkersuisutut ingerlaqqissanersoq.
KNAPK-p siulittaasuata ilaatigut aamma oqarpoq naammanngilluinnartoq Qeqertarsuup tunuani saattuarniarnerup aammaanneqarnera tassami Qeqertarsuup kujataani sinerissap qanittuani aalisartut tunitsivissaqarnerup tungaatigut ingerlanerlioqimmata.