Naalakkersuisooqatigiit ukiortaap kingorna ataannassapput
Naalakkersuisut siulittaasuat Hans Enoksen inatsisinik atuuttunik unioqqutitsisimanerarlugu Kukkunersiuinermut ataatsimiititaliap inerniliinera, Naalakkersuisunut kinguneqassanersoq Inatsisartut pingasunngorpat novembarip 15-ani aaliangissavaat.
Naalakkersuisut siulittaasuata tulliata Josef Motzfeldt-ip nassuerutigaa, politikerit aqutsinermut inatsisit soorunalimi malittariaqaraat.
Kisianni aalisarnermut naalakkersuisuugallarsimasoq, naalakkersuisut siulittaasuat Hans Enoksen aalisarnermik inatsimmik ilumut unioqqutitsisimanersoq Josef Motzfeldtip nalorninartoqartippaa, pisullu misissuiffigineqarnissaat pisariaqartillugu. Kukkunersiunermut ataatsimiititaliaq annertunerusunik paasisaqarusussinnaanera qularutiginngilara naalakkersuisut aalajangiinissat sioqqullugu. Naalakkersuisooqatigiit ukiortaap kingora ataannarnissaat ilimagaara Josef Motzfeldt itisiliinermut arfininngormat oqarpoq. Siornatigut Aalisarnermut naalakkersuisuusimasoq naalakkersuisut siulittaasuat Hans Enoksen aalisarnermut inatsimmik unioqqutitsimanersoq nalorninartoqartippaa, kukkunersiunermut ataatsimiititaliap isumaliutissiissutaani saqqummiunneqartoq aallaavigalugu. Josef Motzfeldt-ip pisoq qulaajarneqarnissaa kissaatigaa soorlu aamma kukkunersuinermut ataatsimiitiliaq tamanna kissaatigigaa.
