Politikki Inuussutissarsiutit

GE Naalakkersuisooqatigiinnissamut isumaqatigiissut neriorsuutinik ulikkaartoq

Siumup, Inuit Ataqatigiit Partii Naleqqallu Naalakkersuisoqatigiinnissamut isumaqatigiissutaanni neriorsuutaat amerlapput, qanorli aningaasalersorneqassanersut suli oqaatigineqarnani. Sulisitsisut Peqatigiiffiani pisortaq taama isumaqarpoq, oqaatigalugulu Naalakkersuisut pingaarnersiuillutik tulleriiaarisariaqartut.

Allattoq Sara K. Jakobsen, Bibi Nathansen

oktobarip 31-at 2016 15:58

Taamatuttaaq meeqqat atuarfiat suliffissarsiortullu salliutinneqartariaqartut, GE isumaqarpoq.

- Meeqqat atuarfiat politikkikkut suliassani pilersaarusiuuttariaqarpoq, suliffissaaleqinerujussuarlu aamma oqaluuserineqartariaqarpoqk Sulisitsisut peqatigiiffianni pisortaq Brian Buus Pedersen taama oqarpoq. Naalakkersuisoqatigiilersullu isumaqatigiissummi tigussaasunik siunnersuuteqarnissaat taassuma ujartorpaa.

- Isumaqatigiissummi kissaaterpassuaqarpoq. Apeqquterpassuilli tassani akineqanngillat, soorlu assersuutigalugu qanoq piviusunngortinneqassanersut qanorlu aningaasalersorneqassanersut, Brian Buus Pedersen oqarpoq, nangillunilu:

- Taamaasilluni naalakkersuisoqatigiinnermut isumaqatigiissut kikkunnut tamanut tamanik tunissutissalittut ajoraluartumik isikkoqalerpoq. Atugarissaarnissamut neriorsuuterpassuaqarpoq, kisianni aningaasat suminngaanniit pissanersut oqartoqarani, Buus Pedersen KNR-imut oqarpoq.

Atugarissaarnissamut neriorsuuterpassuaqarpoq, kisianni aningaasat suminngaanniit pissanersut oqartoqarani,
- Brian Buus Pedersen

Aamma atuaruk Naalakkersuisooqatigiit siammasinnerunissaat Kielsenip kissaatigaa