Naalakkersuisooqatigiinni siulittaasut oqaloqatigeqquneqarput

Raajat pillugit nalunaarut, nalunaarut normo 33 naalakkersuisooqatigiinnermi isumaqatigissutaavoq, taannalu allanngortinniarneqanngilaq, naalakersuisoqataasut Inuit Ataqatigiit aalajangiusimavaat. Ane Hansen Inuit Ataqatigiit inatsisartuni aalisarneq pillugu ataatsimititaliami siulitaasoq oqarpoq. Inuit Ataqatigiit naalakkersuisooqatigiinni partiit siulitaasuisa oqaloqatigiinnissaannik inassuteqarput, maannallu naalakkersuisut siulitaasuat partiillu Siumup siulitaasua Hans Enoksen, naalakkersuisooqatigiit naaperiarfissamik periarfissinneqarnissaanik pisussaaffilerneqarpoq, Hans Enoksen-illu akissuteqarnissaa utaqqineqarluni.

Ane Hansen radioaviisimut ilaatigut ima oqarpoq:

Naalakkersuisooqatigiinermi isumaqatigiissummut aalajaalluta sulisuusugut nalunaarut una nutaaq normo 33 soorunalimi tunuliaqutserparput naalakkersuisooqatigiit ataatsimoorluta tamarmiullutik atuutilersitarimmassuk, aammalu pisoqqamut uterniarnermut siunnersuummut naalakkersuisut akissuteqaaminni aamma ataatsimoorusaminnik erseqissarmassuk sooq taanna nutaaq pilersinneqarsimasoq, Ane Hansen oqarpoq.

Ane Hansen Inuit Ataaqatigiillu naatsersuutigaat, naalakkersuisooqataasut, naalakkersuisooqatigiinni isumaqatigiissut aalajalaaffigalugu tamarmik sulisut.

Ane Hansen Radiavisimut oqarpoq, naalakkersuisooqatigiinni ingerlariaqqittoqassappat Inuit Ataqatigiit siulittaasuat piumaffigineqartoq, naalakkersuisooqatigiinni partiit siulitaasui naapissasut, maannakkullu utaqqineqarpoq naalakkersuisut siulitaasuat Hans Enoksen ataatsimiigiaqqusinissamik qaaqqusinissaa.

Inatsisartuni aalisarnermut ataatsimiititaliami siulitaasoq Ane Hansen unnummut radioaviisimit oqaloqatigineqarpoq