Naalakkersuinikkut allanngortiterinissaq isumaqatigiissutigaat

Igitsinimi præsidentip tullia Omar Suleiman aamma illuatungiliuttuneersut, taakkununnga ilaallutik suliniaqatigiiffik Det Muslimske Broderskab ullumi siullermeerlutik naapipput.
Allattoq Elisa Isaksen
februaarip 06-at 2011 13:08

Taakku naalakkersuinikkut allanngortiterinissamut komitémik siammasissumik inuttalimmik pilersitsisoqarnissaa isumaqatigiissutigaat.

Inatsisit tunngaviusut najoqqutaralugit, oqartussat qanoq naqisimaneqanngitsumik naapertuilluartumillu præsidentimik qinersinissamik qanoq qulakkeerinnissinnaanersut isumaqatigiinniarnikkut pingaarnertut suliarineqassaaq.

Naalakkersuisunit oqaaseqartitap aamma oqaatigaa, illuatungeriit isumaqatigiissutigigaat "inatsisit tunngaviusut iluini nakuusernertaqanngitsumik pissaanermik tunniussinissaq" anguniarneqassasoq.

Igitsinimi naalagaaffiup tv-qarfianit oqaatigineqarpoq, naalagaaffimmi sakkortuumik aqutsinerup 1981-imiilli atuuttup atorunnaarsinneqarnissaa, illuatungeriit aamma isumaqatigiissutigigaat.

Suliniaqatigiiffiit arlallit sapaatit akunnerini kingullerni præsident Hosni Mubarakimut akerliuniarluni iliuuseqarnernut peqataasut oqartussanut isumaqatigiinniaqataapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq