Naalakkersuinermik suliallit inornartut isigilertarput
Jørgen Wæver Johansen Naalakkersuisunut ilaasortaagallarmat allattaasimasoq Ole Aggo Markussen isumaqarpoq, naalakkersuinikkut suliallit qullasissumut inissikkaangamik allaninngaanniit qaffasinnerusutut misigisimalersartut.
- Arlaqarput attorneqarsinnaajunnaartutut misigisimalersartut. Allaninngaanniit qaffasinnerusutut isigisut suminngaanneernerminnillu puiuisut, Ole Aggo Markussen oqarpoq.
Taassuma aamma oqaatigaa ajoraluartumik pisimasoq kingullerpaajusut ilimaginngikkini.
Aningaasanik aqutsisinnaanerup ilikkaruminaatsinneqarneranut patsisaasoraa, suminngaanneerneq kikkullu sullinneri puioranni sumorsuaq ingerlalersoortarneq.
Atorfilittallu pikkorissuusariaqarnerarlugit, maleruutiinnaratik oqarsinnaasariaqarnerarlugit, una unalu pisinnaanngilat, una unalu inerteqqutaapput. Tamannalu ajornartorsiutaanerarpaa annertooq.
