Naalagassat ilinniarfiata siunissaa suli nalunarallarpoq
Umiartornermut ilinniarfik naalakkersuisutigoortumik matuneqarpoq: Siunissami aningaasanut inatsisissani ilinniartitaanermut aningaasatigut tunngavissat ikiliartuaartinneqarput - ukiumilu atuarfiusumi matumani ilinniartut nutaat tiguneqarnissaat mattunneqarluni.
Ilinniartut marluk atuarumallutik qinnuteqarput, taakkualu maannakkut Danmarkimi umiartortornermik ilinniarfimmut innersuunneqarlutik.
Umiartornermut ilinniarfik Paamiuni Imarsiornermik Ilinniarfiup ataaniippoq. Ilinniartitaanermut naalakkersuisup Mimi Karlsenip oqarnera naapertorlugu nutsernissaq suleqatigiissitap isumaliutersuutaanniinngilaq.
- Ilisimatinneqarnera naapertorlugu Umiartornermut ilinniarfiup nuunneqarnissaa sulissutigineqanngilaq. Ilinniartitaanerup qinnuteqaateqartunut naleqqiullugu ammaqqinneqarnissaa qanoq tulluartigissanersoq suleqatigiissitap misissorpaa, Mimi Karlsen KNR-imut oqarpoq. Umiartornermut ilinniarfimmi sulisut maanna pikkorissartinneqarput Paamiunilu Imarsiornermik Ilinniarfimmut attuumassutilinnik allanik suliaqarlutik.
Suleqatigiissitap oktobarimi suliaminik naammassinissaa naatsorsuutigineqarpoq.
