Naalagaaffiup isumannaatsuunissaanik politikki pitsaanerusoq
Marlunngorpat tulliani, tassa decembarip ulluisa tallimaanni, folketingimi Atlantikup Avannaani Suleqatigiit suleqatigiinnerminni ukiut tallimanngortorsiussavaat.
Tamanna pillugu nunarsuup avannarpasinnerusortaani
naalagaaffiup isumannaatsuunissaanik politikkip
siunissaa nunat tamalaat peqataaffigisaannik ataatsimiisitsisoqassaaq.
Ataatsimiisitsinermilu qulakkeerniarneqartussaassaaq Folketingimi kiisalu Savalimmiuni nunatsinnilu politikerit akornanni naalagaaffiup isumannaatsuunissaanik politikkimik pitsaalluinnartumik ilisimaarinnilluartoqartoq.
Atlantikup avannaani pissutsit ineriartortut pillugit qinikkat ilisimasaqarnerulernissaat aammattaaq anguniarneqarpoq.
Naalagaaffiup isumannaatsuunissaa pillugu politikkip
siammarterneqarnissaa qulakkeerumallugu Atlantikup Avannaani Suleqatigiit suliniuteqarniarputtaaq. Ilaatigut ilinniartut 50-it Atlantikup avannaaneersut Danmarkimi ilinniarsinnaalernissaat anguniarneqassalluni.
Danmarkip illersornissamut ministeria Søren Gade oqalugiassaaq, tamatumalu saniatigut USA-p, Ruslandip, Norge-p Islandillu aallartitaat ataatsimeeqataassapputtaaq.
Taamatuttaaq Naalakkersuisut siulittaasui nunatsinneersut Savalimmiuneersullu peqataassallutik.
