Naalagaaffit Peqatigiit Israelilu akerleriileraluttuinnarput
Israelimiut saassussimmata Khalil Khaderip nunaqqataasalu illumik seqummakuinik saliineri maanna ingerlapput. Israelimiut qaartartumeereqattaarnerisa kingorna Palæstinamiut illuerussimasut 100.000-ilikkaat maannakkorpiaq soriarsinnaanngillat.
- Nunarsuarmioqatigiit qangali aningaasanik neriorsorpaatigut. Aningaasat tassaareerput, Israelilli Palæstinap killeqarfiagut iserniat assersimajuarpai, Khaderikkut ittuat Khader Muhammed Khader kappialavoq.
Israelimiut saassussisaqattaarnerisa kingorna sapaatit akunneri pingasut qaangiummata Nalagaaffiit Peqatigiit nunallu allat 30 milliard koruuninik ikiuutissanik neriorsuipput. Israelilli iseqqusiunnarneragut aningaasaliissutit illunik nappaaqqinnissanut atugassat tunniunneqarsinnaanngillat.
Israelillu Gazamut killeqarfik asseqqajuarsinnaappaa, inuussutissanut allaat eqquteqqunngilluinnarneqarput, sakkutunngooq atorneqarsinnaammata. Biilit angallassissutit nerisassanik, atuartullu atuagassaannik usisut assersortuarsinnarpai.
Israelip malartaasernera Naalagaaffiit Peqatigiit naammagittaalliuutigiuaraluarpaa. Ajornerpaavorli illut nappaqqinnissaannut atortussanik eqqusseqqusinngillluinnarnera.