Naalagaaffiit Peqatigiit qullersaat Ban Ki-moon Norgeliassaaq

Norgimut ataasinngorpat tikissaaq, tamatumalu kingorna Norgimi ministeriuneq peqatigalugu marlunngorpat Svalbardiliassalluni. Tassani issittumi ilisimatusarfiit arlallit tikeraassavai, silallu pissusaata allanngoriartorneranik Issittumilu sikup aakkiartornera pillugu paasissutissinneqassalluni.

Norgimi Issittumut angalanissaa pisussanngorpoq, Norgip Naalagaaffinni Peqatigiinni aallartitaata oqaatsit sakkortuut atorlugit Ban Ki-moon Naalagaafinni Peqatigiinni siulersuinerlunnerarlugu isornartorsioreeraalu.

- Ilaatigut silap pissusaa pillugu oqallinnermi tusarsaanngilaq, kamarujussuartarninilu pissutigalugit suleqatikkuminaatsuulluni, Norgip Naalagaaffinni Peqatigiinni aallartitaa allakkamini isertuussani, Norgimi tusagassiorfinni pissarsiarineqarsimasuni ilaatigut taama allappoq.

Maanna tassa Ban Ki-moon issittumut nillataartumut marlunngorpat piguni eqqissiimisinnaanngussaaq.