Nalunaarusiaq naapertorlugu meeqqat atugarissaarnissaannut atatillugu nunat pisuujunerusut ajunnginnerusarput. Matumani Norge qaffasinnerpaami inissisimavoq, Korea Kujallerlu Hollandilu tulliuttuni marlunniillutik.Assi: Ida Guldbæk Arentsen/Ritzau Scanpix

Naalagaaffiit Peqatigiit: Nunat arlaannaalluunniit meeqqanut naammattumik illersuinianngilaq

Nunat tamarmik meeqqat atugarissaarnissaannut periarfissaannullu atatillugu kukkupput, Naalagaaffiit Peqatigiit isumaqarput, silallu pissusia pingaartumik aarlerinarneruvoq.

Naalagaaffiit Peqatigiit nalunaarusiaata nutaap silap pissusiata allanngoriartornera, nerisaqarnerlunneq, atugarissaannginneq allallu meeqqat peqqissusaannut aarlerinartorsiortitsisut, Nunat Tamalaat Peqqissutsimut Suleqatigiiffiata, WHO-p paasissutissiissutigaa.

- Nunat arlaannaalluunniit meeqqat peqqissusaannut, avatangiisiinnut siunissaannullu naammattumik illersuinngilaq, WHO inerniliivoq.

Nalunaarusiap 'A Future for the World's Children'-ip parameterit assigiinngitsut tunngavigalugit nunani 180-ini meeqqat qanoq innersut nunallu meeqqat siunissaannut sunniuteqartumut, tassa CO2-mik aniatitsinermut qanoq iliuuseqarnersut naliliiffigaa.

CO2-mik aniatitsineq Danmarkimi meeqqanut aarlerinartoq

Tamanna tunngavigalugu meeqqat qanoq atugarissaartigineranni Danmark normu 6-itut inissisimavoq.

Taamaakkaluartorli meeqqat siunissaanut nunat aarlerinartorsiortitsineranni Danmark CO2-mik aniatitsinerujussuani pissutigalugu 135-itut inissisimalluni.

Nunarput nalunaarusiami eqqaaneqanngilaq.

Nalunaarusiaq meeqqat inussuttullu peqqissusaannut immikkut ittumik ilisimasallit aamma WHO-p Naalagaaffiillu Peqatigiit Meeqqanut aningaasaateqarfiata (Unicef) kiisalu atuagassiap The Lancetip suleqatigiinneratigut suliarineqarpoq.

Norge qaffasinnerpaamiittoq

- Nunarsuaq tamakkerlugu kinguaariit ikittuinnaat matuma siorna takorloorneqarsimanngitsut, tassa silap pissusianit, pualavallaarnermut ussassaarutinullu navianartunut aarlerinartunik unammillissuteqartariaqarput, Unicefip generaldirektøria, Henriette Fore oqarpoq.

Nalunaarusiaq naapertorlugu meeqqat atugarissaarnissaannut atatillugu nunat pisuujunerusut ajunnginnerusarput. Matumani Norge qaffasinnerpaami inissisimavoq, Korea Kujallerlu Hollandilu tulliuttuni marlunniillutik.

Nunallu siuarsarniakkat soorlu Den Centralafrikanske Republik, Somalia, Nigerilu naqqarpiaaniipput.

Nunat CO2-mik aniatitsinerat qiviaraanni Naalagaaffiit Peqatigiit naapertorlugu meeqqanut aarlerinartorsiortitsinerit allarluinnartut inissisimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat