Naalagaaffiit Peqatigiit imavissuit aatsaat taama kissatsigineraraat

Aamma nunarsuup silaannartaa aatsaat taama kuldioxeqartigisoq, Nutaarsiassaqartitsivik allappoq.

Naalagaaffiit peqatigiit generalsekretæriat António Guterresip WMO-miit nalunaarusiaq nunarsuarmiut naalakkersuisuinut suliffeqarfiutilissuarnullu tupaatissatut nalilerpaa.

- Nalunaarusiap qangali oqaatigiuagarput, tassalu nunarsuatsinni silap pissusiata allanngoriartornera uagut tamatuminnga unitsitsiniaanitsinnit sukkanerusoq uppernarsarpaa, taanna oqarpoq.

1760-ikkunni suliffissuit atuutilerneranniit ullumikkut nunarsuup 1 grademik kiannerulersimanera WMO-p nalunaarusiaani erserpoq.

1 grademik kiannerulersimanera tusaannarlugu ernumassutissaagunanngikkarluartoq, nunarsuarmi sumi tamaani sila pissusianut sunniuteqaqisoq, WMO-mi pisortaaneq oqarpoq.

- Nunarsuatsinni silap allanngoriartornera peqqutaaluni ajunaarnersuit amerlaneroqisut takuagut, Nunarsuullu kianneruleriartornerata inunnut millionilikkaanut  imungarsuaq sunniuteqassaaq.

Naalagaaffiit peqatigiit nalunaarusiaat naapertorlugu silap pissusiata allanngoriartorneranik inuit 4,5 milliardit 1998-imiilli eqqugaasimapput.