Naalagaaffiit Peqatigiit Benazir Bhuttup toqutaaneranik misissueqquneqartoq

Pakistan-ip ministeriunerisimasaata Benazir Bhuttup toqutaasimanera, naalagaaffiit peqatigiinnit mississuiffigineqarnissaa Pakistan-imi naalakkersuisunngorlaat piumasaraat.
Allattoq Jaaku Lyberth
maajip 22-at 2008 17:20

Naalagaaffiit Peqatigiit toqutsinermut misissuisinnneqarnissaat, Pakistan-ip præsidenterisimasaata Pervez Musharraf-ip USA-lu akerlerisimavaat.

Maannakkulli tassa Pakistan-imi naalakkersuisunngortut, Benazir Bhuttu-galuup partiianeersut Pakistanip Folkepartiineersut, naalagaaffiit peqatigiit misissuinissaannik piumasaqarput.

Toqutsineq nalinginnaasuunngilaq, pinerliineq ilungersunartuuvoq, annertuunik kinguneqartitsisoq, Pakistan-imi inatsisit pillugit ministeri Farooq Naek, Naalagaaffiit Peqatigiit misissuisinneqarnissaannik piumasaqarnermini tunngavilersuutaasa ilagaat.

Pakistan-imi naalakkersuisuusimasut amerikamiullu isertortumik paasiniartuisa CIA-p Baitullah Mehsud Benazir Bhuttu-mik toqutsisimatut pasivaat.

Meshud islamisiortut sakkulersorniartartutut ilisimaneqarpoq, Talebaninut attuumassuteqartoq.

Benazir Bhutto siorna decembarip ulluisa 26-anni toqutaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq