Naalagaaffeqatigiit ataatsimiinnissaraluat taamaatiinnarpoq
Ataatsimiinnissarli peqquteqavissumik taamaatiinnarneqarpoq. Tassa Savalimmiuni naalakkersuisut siulittaasuata Jóannes Eidesgaardip ilaqutaasa ilaat toqukkut qimagummat ataatsimiinnissaq taamaatiinnarneqarpoq.
Ministeriuneq Anders Fogh Rasmussen Danmarkimut pilersaarutit malillugit aqagu aatsaat Danmarkimut utertussaagaluarpoq, ullumikkulli Danmarkiliartussanngorluni.
Anders Fogh Rasmussen Tysklandillu forbundskansleria Angela Merkel ulluni makkunani Ilulissaniipput, naalagaaffeqatigiinnermullu atatillugu ataatsimiinnissaraluamut taarsiullugu naalakkersuisut siulittaasuat Hans Enoksen ullumi ataatsimeeqatigiinnassallugu.
Angela Merkel Tysklandiliarluni aallareerpat ataatsimiittoqassasoq nalunaarutigineqarpoq.
Hans Enoksen Anders Fogh Rasmussenilu ataatsimeereerpata ministeriuneq Danmarkimut utissaaq, folketingimullu qinersisoqassanersoq qinersisoqassannginnersorluunniit pillugu oqallinnersuarmut utissalluni.
Naalagaaffeqatigiit kingusinnerusukkut ataatsimiikkumaarput.
