Naalagaaffeqatigiinni naalakkersuisut siulittaasui Nuummi naapissapput
Savalimmiut Danmark Kalaallit Nunaallu tulleriiarlugit ataatsimiiffigineqarput, naalakkersuisut siulittaasui Savalimmiuni siorna ataatsimiipput.
Folketingemut qinersisoqarnera pissutigalugu naalagaaffeqatigiinni siuttut ataatsimiinnissaat qaqugu pissanersoq nalornissutigineqarpoq - aasap ingerlanerani ataatsimiittoqassanersoq akunnattuungassutigineqarluni, ingammik ministeriunerup Lars Løkke Rasmussenip pilersarutaanut.
Danmarkimi Savalimmiunilu naalakkersuisut siulittaasuisa pilersaarutaanni Nunatsinnut tikeraarnissamut piffissaqassasut, Namminerlutik Oqartussat KNR-imut nalunaarutigaat.
Tikeraarnissamut pilersaarutit suli naammassineqanngillat - Namminersorlutik Oqartussani Periaasissanik aqutsisuuneq Jakob Rohmann Hard, KNR-imut nalunaarpoq naalagaaffeqatigiinni naalakkersuisuit siulittaasui aggustip qaammataata naalernerani Nuummi ataatsimiissasut.
Ataatsimiineq ullunik marlunnik sivisussuseqassaaq, pilersaarutaavorlu, Savalimmiuni naalakkersuisunut siulittaasoq, Kaj Leo Johannsen, Danmarkimilu naalakkersuisut siulittaasuat, Lars Løkke Rasmussen, rubinisiorfimmut Qeqertarsuatsiaat eqqaaniittumut alakkaatissasut.
