Naalagaaffeqatigiinnermi siuttut Torshavnimi naapissapput

Savalimmiuni naalakkersuisut siulittaasuata Joannes Eidesgaardip, ministeriunerup Anders Fogh Rasmussenip aamma naalakkersuisut siulittaasuata Hans Enoksenip Danmarkip nunattalu namminersulernissaq pillugu isumaqatigiissutaat aamma Arfanniarneq pillugu Ataatsimiititaliarsuup qanittumi ataatsimiinnissaa ilaatigut oqaluuserissavaat, aamma silap pissusaa pillugu Københavnimi 2009-mi ataatsimeersuarnissaq oqaluuserisassaannut ilaavoq.

Kalaallit Nunaanni namminersorneq pillugu inatsisissatut siunnersuummi Savalimmiut taaneqarsimanerat Savalimmiormiunit isumannartoqartinneqarpoq, tamanna ungasinnerusoq isigalugu Danmarkip Savalimmiullu akornanni attaveqaqatigiinnermut sunniuteqarnerlussinnaasutut isigineqarmat.

Naalagaaffeqatigiinnermi siuttut nunat pingasuusut nikittaallugit ataatsimiiffigisarpaat ataatsimiinnerillu persuarsiornanngitsumik atorfilittat peqatiginagit ingerlanneqartarput.